Հայկ Գրիգորյանը նշանակվել է Հայաստանի քննչական կոմիտեի նախագահ
ԵՐԵՎԱՆ, 10 հուլիսի. /ԱՌԿԱ/. Հայաստանի կառավարությունը երեքշաբթի նիստում հաստատել է Հայկ Գրիգորյանի թեկնածությունը Քննչական կոմիտեի ղեկավարի պաշտոնում։
Ընդունված որոշման կապակցությամբ Հայաստանի վարչապետ Նիկոլ Փաշինյանը շնորհավորել է Գրիգորյանին այդքան պատասխանատու կարգավիճակի և նշանակման առիթով։
«Օրինականության հաստատումը, կոռուպցիայի, հանցավորության դեմ պայքարը պետք է առաջնահերթ դառնան ձեզ համար։ Եվս մեկ անգամ ընդգծեմ, որ այդ հարցերի լուծման ժամանակ չպետք է տուժեն մարդու իրավունքները և օրինականության այլ ասպեկտները։ Չարաշահումների դեմ պայքարում մենք 100 տոկոսով պետք է ապահովենք օրինականությունը, որպեսզի ոչ մի դեպքում հնարավոր չլինի այլ գնահատական տալ իրավապահ մարմինների գործողություններին»,– ասաց Փաշինյանը։
Գրիգորյանը շնորհակալություն է հայտնել վստահության համար և հավաստել է, որ գործընկերների հետ կարդարացնի այդ վստահությունն իր լիազորություններն իրագործելիս։ -0-
