Հայաստանի ԱԳՆ ղեկավարին «ՄՄՀՊԻ պատվավոր դոկտորի» կոչում կշնորհվի
01.04.2014,
13:18
Հայաստանի ԱԳՆ ղեկավար Էդվարդ Նալբանդյանին «ՄՄՀՊԻ պատվավոր դոկտորի» կոչում շնորհելու հանդիսավոր արարողությունը կանցնի չորեքշաբթի Մոսկվայում, հայտնում է բուհի պաշտոնական կայքը։
ԵՐԵՎԱՆ, 1 ապրիլի. /ԱՌԿԱ/. Հայաստանի ԱԳՆ ղեկավար Էդվարդ Նալբանդյանին «ՄՄՀՊԻ պատվավոր դոկտորի» կոչում շնորհելու հանդիսավոր արարողությունը կանցնի չորեքշաբթի Մոսկվայում, հայտնում է բուհի պաշտոնական կայքը։
«ՄՄՀՊԻ պատվավոր դոկտորի» կոչումը շնորհվում է ականավոր պետական, քաղաքական, հասարակական գործիչների, դիվանագետների, գիտնականների, ինչպես նաև միջազգային հարաբերությունների և արտաքին քաղաքականության բնագավառի աշխատողներին։
Էդվարդ Նալբանդյանն ավարտել է Մոսկվայի միջազգային հարաբերությունների պետական ինստիտուտը 1978 թվականին։ Դիվանագիտական տարբեր պաշտոններ է զբաղեցրել Լիբանանում և Եգիպտոսում ԽՍՀՄ դեսպանություններում։ Տարբեր տարիների եղել է Եգիպտոսում, Մարոկկոյում, Օմանում, Ֆրանսիայում, Իսրայելում, Վատիկանում Հայաստանի դեսպան։ Հայաստանի արտաքին գործերի նախարարի պաշտոնում է 2008 թվականից։ -0
