ՌԴ նախագահը հայտնել է, որ բավարարված է ԼՂ հակամարտության շուրջ պայմանավորվածություններով

ԵՐԵՎԱՆ, 10 նոյեմբերի./ԱՌԿԱ/. ՌԴ նախագահ Վլադիմիր Պուտինը Շանհայի համագործակցության կազմակերպության (ՇՀԿ) գագաթնաժողով ժամանակ հայտնել է, որ բավարարված է Ղարաբաղի շուրջ պայմանավորվածություններով:

 «Ղարաբաղում կատարվածը՝ իսկապես մեծ ողբերգություն է: Մեծ բավականությամբ ցանկանում եմ նշել նշմարված փոխզիջման և արյունահեղության դադարեցման շուրջ ձեռք բերված պայմանավորվածությունների մասին»,- հայտնել է նա տեսակոնֆերանսի ձևաչափով անցկացված միջոցառման ժամանակ:

ՌԴ նախագահը հույս է հայտնել, որ վերջին ժամանակներում ձեռնարկված քայլերը կհանգեցնեն  երկարատև խաղաղության հաստատման՝ ի շահ Հայաստանի և Ադրբեջանի ժողովուրդների: 

Եռակողմ հայտարարության մասին

 ՌԴ նախագահ Վլադիմիր Պուտինը նախօրեին հայտարարել է, որ Հայաստանի և Ադրբեջանի զինված ուժերը կանգ են առնում իրենց զբաղեցրած դիրքերում, իսկ Լեռնային Ղարաբաղի շփման գծի երկայնքով և Լեռնային Ղարաբաղը Հայաստանի Հանրապետության հետ կապող միջանցքով, տեղակայվում են Ռուսաստանի Դաշնության խաղաղապահ զորակազմ:

Լեռնային Ղարաբաղում ռազմական գործողությունների դադարեցման մասին համաձայնագիրը ենթադրում է նաև փախստականների վերադարձ տարածաշրջան:

Ներքին տեղահանված անձինք և փախստականները վերադառնում են Լեռնային Ղարաբաղի տարածք և հարակից տարածք` ՄԱԿ-ի փախստականների հարցերով գերագույն հանձնակատարի վերահսկողության ներքո:

Պետք է տեղի ունենա «ռազմագերիների, այլ կալանավորվածների և մահացածների մարմինների փոխանակում»:

Տարածաշրջանի բոլոր տնտեսական և տրանսպորտային կապերն ապաարգելափակվում են: Տրանսպորտային հաղորդակցությունների նկատմամբ հսկողությունն իրականացվում է Ռուսաստանի Սահմանապահ ծառայության [ԱԴԾ] մարմինների օժանդակությամբ:

Ռուսաստանի ղեկավարն ակնկալում է, որ «ձեռք բերված պայմանավորվածությունները անհրաժեշտ պայմաններ կստեղծեն Լեռնային Ղարաբաղի շուրջ ստեղծված ճգնաժամի երկարաժամկետ և ամբողջական ձևաչափով կարգավորման համար արդար հիմքի վրա և հայ և ադրբեջանցի ժողովուրդների շահերի համար»:-0-