Զինվոր է զոհվել Արցախում

ԵՐԵՎԱՆ, 19 հոկտեմբերի. /ԱՌԿԱ/. Հինգշաբթի 15:50-ի սահմաններում, ՊԲ հյուսիսարևելյան ուղղությամբ տեղակայված զորամասերից մեկում զինվոր է զոհվել։  

Ինչպես հայտնում է Արցախի մամուլի ծառայությունը, հակառակորդի կողմից արձակված կրակոցից պահպանության տեղամասում մահացու հրազենային վիրավորում է ստացել ՊԲ զինծառայող, 19–ամյա Տիգրան Արմենի Խաչատրյանը:

Դեպքի մանրամասները պարզելու համար կատարվում է քննություն:

«Արցախի Հանրապետության պաշտպանության նախարարությունը կիսում է կորստյան ծանր վիշտը և իր զորակցությունը հայտնում մահացած զինծառայողի ընտանիքի անդամներին, հարազատներին և ծառայակիցներին»,– նշվում է հաղորդագրության մեջ։ -0-