ԶԼՄ–ները հայտնում են Հայաստանում զոհված ոստիկանի անունը
17.07.2016,
15:53
ԶԼՄ–ները հայտնել են մի խումբ զինված անձանց կողմից Հայաստանի ոստիկանության պարեկապահակային ծառայության գնդի շենքի զավթման ժամանակ զոհված ոստիկանի անունը։
ԵՐԵՎԱՆ, 17 հուլիսի. /ԱՌԿԱ/. ԶԼՄ–ները հայտնել են մի խումբ զինված անձանց կողմից Հայաստանի ոստիկանության պարեկապահակային ծառայության գնդի շենքի զավթման ժամանակ զոհված ոստիկանի անունը։
«Զոհված ոստիկանը գնդի փոխհրամանատար Արթուր Վանոյանն է»,– հայտնում է «Երկիր մեդիա» հեռուստաալիքը։
Կիրակի լուսադեմին մի խումբ զինված անձինք մուտք են գործել ՀՀ ոստիկանության պարեկապահակային ծառայության գնդի տարածք և բռնության սպառնալիքով պահում են այնտեղ գտնվող անձանց։ Որոշ տեղեկություններով` զինված անձինք «Հիմնադիր խորհրդարան» արմատական ընդդիմադիր կազմակերպության կալանավորված առաջնորդ Ժիրայր Սեֆիլյանի կողմնակիցներն են, ովքեր պահանջում են ազատել նրան։ -0-
