Նախօրեին կորոնավիրուսի հաստատված դեպքերից մեկը գրանցված է դպրոցահասակ երեխայի մոտ
15.03.2020,
12:59
Հիշեցնենք, որ նախօրեի տվյալներով, Հայաստանում հաստատվել է կորոնավիրուսի 20 դեպք
ԵՐԵՎԱՆ, 15 մարտի./ԱՌԿԱ/.Մարտի 14-ին կորոնավիրուսի հաստատված դեպքերից մեկը գրանցված է դպրոցահասակ երեխայի մոտ, հայտնում է ՀՀ առողջապահության նախարարությունը։
«Երեխան հոսպիտալացված է, իսկ դպրոցում նրա շփման շրջանակը՝ դասընկերներն ու ուսուցիչները մեկուսացվում են», – նշվում է հաղորդագրության մեջ։
Ինչպես Facebook–յան էջում հայտնել է ՀՀ ԱՆ մամուլի քարտուղար Ալինա Նիկողոսյանը, երեխան Էջմիածնի շրջանակից է։
Հիշեցնենք, որ նախօրեի տվյալներով, Հայաստանում հաստատվել է կորոնավիրուսի 20 դեպք։–0–
