Հայաստանում 10 ամսում 1,4%-ով նվազել է ծնելիությունը

ԵՐԵՎԱՆ, 5 դեկտեմբերի./ԱՌԿԱ/. Հայաստանում 2022 թվականի հունվար-հոկտեմբերին ծնելիության մակարդակը 2021 թվականի նույն ժամանակահատվածի համեմատ, նվազել է 1,4 տոկոսով։ Այս մասին են վկայում Հայաստանի ազգային վիճակագրական կոմիտեի հրապարակած տվյալները։

Նշվում է, որ հաշվետու ժամանակահատվածում ծնվել է 22906 երեխա, մինչդեռ 2021 թվականի 10 ամսում ծնվել է 30320 նորածին։ Միաժամանակ, 2020 թվականի նույն ժամանակահատվածի համեմատ արձանագրվել է 0,7 տոկոսի անկում (ծնվել է 30147 երեխա)։

Միաժամանակ, նշված ժամանակահատվածում գրանցվել է մեռելածնության 369 դեպք, ինչը 13,2%-ով պակաս է 2021 թվականի նույն ժամանակահատվածից և 2,4%-ով պակաս՝ 2020թ-ից:

Ընդհանուր առմամբ, 2022 թվականի հունվար-հոկտեմբերին հանրապետությունում մահացել է 22 579 մարդ, ինչը 15,9%-ով պակաս է 2021 թվականի նույն ժամանակահատվածի ցուցանիշից և 12,8%-ով պակաս է 2020 թվականի տասը ամիսների ցուցանիշից։ -0-

Ծանոթացեք լուրերին առաջինն ու քննարկեք դրանք մեր Telegram-ում

17:24 05.12.2022