ՀՀ ԱԳՆ–ն հորդորում է քաղաքացիներին ժամանակավորապես զերծ մնալ Եգիպտոս այցելություններից
ԵՐԵՎԱՆ, 18 նոյեմբերի. /ԱՌԿԱ/. ՀՀ ԱԳՆ–ն կոչ է անում քաղաքացիներին առանց հատուկ անհրաժեշտության ժամանակավորապես զերծ մնալ Եգիպտոս այցելություններից։
«ՀՀ քաղաքացիներին խորհուրդ ենք տալիս առանց հատուկ անհրաժեշտության ժամանակավորապես զերծ մնալ Եգիպտոս այցելություններից», – նշում է ՀՀ ԱԳՆ–ի մամուլի ծառայությունը։
Շարմ Էլ Շեյխ–Սանկտ Պետերբուրգ չվերթն իրականացնող «Կոգալիմավիա» ավիաընկերության А321 ինքնաթիռը կործանվել է հոկտեմբերի 31–ին օդ բարձրանալուց 24 րոպե հետո Սինայ թերակղզու հյուսիսում` Էլ Հասնա բնակավայրի մոտակայքում։ Ինքնաթիռում գտնվող բոլոր 224 ուղևորները մահացել են։ Չվերթի ուղևորները Ռուսաստանի, Ուկրաինայի և Բելառուսի քաղաքացիներ էին։
ՌԴ նախագահ Վլադիմիր Պուտինի մոտ նախօրեին հրավիրված խորհրդակցության ժամանակ հայտարարվել է, որ А321 ռուսական ինքնաթիռի աղետի պատճառն ահաբեկությունն է։ -0-
