Արցախում զոհված զինծառայողը հետմահու պարգևատրվել է «Մարտական ծառայության» մեդալով
18.04.2018,
17:18
Պաշտպանության բանակի N զորամասի զինծառայող` 20-ամյա Ռուսլան Մանուկյանը հետմահու պարգևատրվել է «Մարտական ծառայության» մեդալով:
ԵՐԵՎԱՆ, 18 ապրիլի. /ԱՌԿԱ/. Արցախի Հանրապետության սահմանները պաշտպանելիս ցուցաբերած քաջության համար Պաշտպանության բանակի N զորամասի զինծառայող` 20-ամյա Ռուսլան Մանուկյանը հետմահու պարգևատրվել է «Մարտական ծառայության» մեդալով:
Համապատասխան հրամանագիր Արցախի Հանրապետության նախագահ Բակո Սահակյանը ստորագրել է չորեքշաբթի` ապրիլի 18-ին:
Ավելի վաղ հայտնի է դարձել, որ 2018 թվականի ապրիլի 17-ին ՊԲ N զորամասի պահպանության տեղամասի մարտական դիրքում հակահետևակային ականի պայթյունի հետևանքով պարտադիր ժամկետային զինծառայող, կրտսեր սերժանտ Ռուսլան Զորիկոյի Մանուկյանը ստացել է կյանքի հետ անհամատեղելի բեկորային վնասվածքներ: -0-
