Հանրապետության գազամատակարարումը ժամանակավորապես դադարեցվել է
24.09.2018,
13:49
Ժամանակավորապես դադարեցվել է հանրապետության գազամատակարարումը։
ԵՐԵՎԱՆ, 24 սեպտեմբերի. /ԱՌԿԱ/. Հանրապետության գազամատակարարումը ժամանակավորապես դադարեցվել է, հաղորդում է «Գազպրոմ Արմենիա» ՓԲԸ–ի հասարակայնության հետ կապերի ծառայությունը։
«Սեպտեմբերի 24-ից մինչև 26-ը Հայաստան բնական գազի մատակարարումը ժամանակավորապես դադարեցվել է՝ Հյուսիսային Կովկաս — Անդրկովկաս մայրուղային գազատարի վրա վերանորոգման և վերականգնողական աշխատանքներ իրականացնելու պատճառով: Հանրապետության գազամատակարարումը դադարեցվել է այսօր ժամը 07:00-ից», – նշվում է հաղորդագրության մեջ։
Միաժամանակ, ընկերությունից հայտնում են, որ հանրապետության սպառողների գազամատակարարումը կիրականացվի առանց սահմանափակումների՝ ներքին պաշարների հաշվին:–0–
