Չինացի լրագրողները կպատմեն Հայաստանի մասին

ԵՐԵՎԱՆ, 25 սեպտեմբերի. /ԱՌԿԱ/. Չինացի լրագրողները կպատմեն իրենց երկրի բնակիչներին հայկական զբոսաշրջային կենտրոնների և տեսարժան վայրերի մասին, հայտնեց Հայաստանի տնտեսական զարգացման և ներդրումների նախարարության զբոսաշրջության պետական կոմիտեի ղեկավարի առաջին տեղակալ Մեխակ Ապրեսյանը։

Նրա խոսքով, չինական Չենդու քաղաքում ՄԱԿ–ի համաշխարհային զբոսաշրջային կազմակերպության գլխավոր ասամբլեայի 22–րդ նստաշրջանում հայկական պատվիրակությունը հանդիպել է չինական ԶԼՄ–ների ներկայացուցիչների հետ, որ ներկայացնի նրանց Հայաստանը և պատմի հայ–չինական զբոսաշրջային գործակցության մասին։

«Պայմանավորվածություն է ձեռք բերվել, որ չինացի լրագրողները հոկտեմբերի 4–ից 8–ը կայցելեն Հայաստան»,– ասաց Ապրեսյանը։  -0-