Նոր ռազմավարություն` Հայաստանի զբոսաշրջությունը զարգացնելու համար
ԵՐԵՎԱՆ, 19 հունիսի. /ԱՌԿԱ/. Հայաստանի կառավարությունը ծրագրում է բարձրացնել երկրի զբոսաշրջային այցելությունները տարեկան մինչև առնվազն 3 մլն մարդ։ Համապատասխան ծրագրերը ներկայացվել են երկուշաբթի կառավարության` 2017–2022 թվականների ծրագրում։
Նման ցուցանիշի հասնելու համար ծրագրվում է կատարել մի շարք քայլեր, որոնց թվում են` երկրի զբոսաշրջության զարգացման համար թիրախային երկրների քաղաքացիների համար մուտքի արտոնագրի ռեժիմի պարզեցում կամ չեղարկում, օտարերկրյա տրանսպորտային միջոցների` Հայաստան մուտքի պարզեցումը։
Ծրագրվում է նաև խստացնել զբոսաշրջային ծառայությունների նկատմամբ պահանջները և ներդնել դրանց ապահովման մեխանիզմներ, մասնավորապես, զբոսաշրջային ռեգիստր, իսկ մինչև 2020 թվականը` ժամանակակից միասնական տեղեկատվական զբոսաշրջային ցանց։
Այդ նպատակներին հասնելու համար ծրագրվում է մշակել և հաստատել «Ուխտագնացություն առաջին քրիստոնյա երկիր» ռազմավարությունը, որի իրագործումը կսկսվի արդեն 2018 թվականին։ Բացի այդ, կառավարությունը ծրագրում է օժանդակել ամենամյա ավանդական տարածաշրջանային փառատոներին, զարգացնել սպորտային զբոսաշրջությունը, էկոզբոսաշրջության զարգացման հայեցակարգ ընդունել։ -0-
Ծանոթացեք լուրերին առաջինն ու քննարկեք դրանք մեր Telegram-ում
21:20 19.06.2017
