«Կոնվերս-Ֆաստ պլյուս»՝ նոր պրոդուկտ փոքր և միջին ձեռնարկատերերի համար

ԵՐԵՎԱՆ, 17 օգոստոսի./ԱՌԿԱ/. Կոնվերս Բանկը գործարկել է  «Կոնվերս-Ֆաստ պլյուս» վարկատեսակը, որի շրջանակում փոքր և միջին ձեռնարկատերներին առաջարկում է ֆինանսավորում՝ հիմնական միջոցների ձեռքբերման և շրջանառու միջոցների համալրման, ընթացիկ ծախսերի, կրեդիտորական պարտքերի մարման համար, ինչը կնպաստի բիզնեսի զարգացմանն ևընդլայնմանը, հաղորդում է Կոնվերս Բանկի մամուլի ծառայությունը:

Պրոդուկտը նախատեսված է Կոնվերս բանկի հաճախորդ չհանդիսացող ՓՄ ձեռնարկատերերի համար: Անշարժ գույքի գրավադրում չի պահանջվում: Վարկավորում տրամադրվում է բանկային հաշիվների շարժի հիման վրա:

Ֆինանսավորման առավելագույն գումարը 25 մլն դրամն է, առավելագույն ժամկետը՝ 36 ամիս է:

Առաջիկայում «Կոնվերս-Ֆաստ պլյուս»-ի շրջանակում վարկավորումը հասանելի կլինի նաեւ Բանկի ՓՄՁ ֆինանսավորման առցանց հարթակում, ինչը թույլ կտա շահառուներին ստանալ ֆինանսական միջոցներ առանց բանկ այցելելու, սեղմ ժամկետներում:

Վարկավորման մանրամասները՝ հետևյալ հղմամբ։

ՓՄՁ ֆինանսավորման օնլայն հարթակն այստեղ։

Բանկը վերահսկվում է ԿԲ կողմից:–0–