Թրամփը սպառնացել է 200% մաքսատուրք սահմանել ֆրանսիական գինիների և շամպայնի վրա
ԵՐԵՎԱՆ, 20 հունվարի․/ԱՌԿԱ/. ԱՄՆ նախագահ Դոնալդ Թրամփը սպառնացել է 200% մաքսատուրք սահմանել ֆրանսիական գինիների և շամպայնի ներկրման վրա։
Այս քայլով նախագահը փորձում է ճնշում գործադրել Ֆրանսիայի նախագահի Էմանուել Մակրոնի վրա՝ ստիպելով նրան միանալ իր Խաղաղության խորհրդի նախաձեռնությանը, գրում է Reuters–ը։
Նախաձեռնության նպատակն է համաշխարհային հակամարտությունների կարգավորումը։ Նախատեսվում է, որ խորհուրդն առաջնահերթ կզբաղվի Գազայի հատվածում տիրող իրավիճակով, այնուհետև կանցնի այլ հակամարտությունների։
Այս նախաձեռնությունը բազմաթիվ հարցեր է առաջացրել ՄԱԿ-ի դերի վերաբերյալ, և Մակրոնին մոտ կանգնած աղբյուրը հայտնել է, որ Ֆրանսիայի նախագահը մտադիր է մերժել խորհրդին միանալու հրավերը։
Անդրադառնալով Մակրոնի դիրքորոշման մասին հարցին՝ Թրամփը հայտարարել է, որ նրան ոչ ոք չի ուզում, որովհետև շատ շուտով նա կլքի իր պաշտոնը։
«Ես 200% մաքսատուրք կսահմանեմ նրա գինիների և շամպայնի վրա, և նա կմիանա», - նշել է ԱՄՆ նախագահը՝ միևնույն ժամանակ ընգծելով, որ Մակրոնը պարտավոր չէ միանալ։
