Հայաստանի արդյունաբերական արտադրանքը 2013թ.–ի հունվար–մայիսին աճել է 8 տոկոսով` կազմելով 464,1 մլրդ դրամ

ԵՐԵՎԱՆ, 20 հունիսի. /ԱՌԿԱ/. Հայաստանի արդյունաբերական արտադրության ծավալը 2013 թվականի հունվար–մայիսին աճել է 8 տոկոսով` 2012 թվականի նույն ժամանակահատվածի համեմատ, և կազմել է շուրջ 464,1 մլրդ դրամ։ Այսպիսի տվյալներ է «ԱՌԿԱ» գործակալությանը տրամադրել Հայաստանի ազգային վիճակագրական ծառայությունը։

ԱՎԾ տվյալներով` 2013 թվականի հունվար–ամյիս ամիսներին, 2012 թվականի նույն ժամանակահատվածի համեմատ, գյուղատնտեսության արտադրանքի ծավալն ավելացել է 1,3տոկոսով` կազմելով մոտ 144,2 մլրդ դրամ։

Բացի այդ, 2013 թվականի առաջին հինգ ամիսներին, 2012 թվականի հունվար–մայիս ամիսների համեմատ 8,8 տոկոսով կրճատվել է շինարարության ծավալը` կազմելով 89,1 մլրդ դրամ։ ($1 –410,96 դրամ է).---0-