ՌԴ Դաշնային կենտրոնը կկարողանա վերացնել ալկոհոլի վաճառքի լիցենզիաները

ԵՐԵՎԱՆ, 16 օգոստոսի. /ԱՌԿԱ/. ՌԴ ալկոհոլի շուկայի կարգավորման դաշնային ծառայությունը իրավունք է ստացել ինքնուրույն վերացնելու ալկոհոլի մանրածախ վաճառքի լիցենզիաները, մասնավորապես՝ գիշերային ժամերին, առանց մակնշման և փաստաթղթերի, ինչպես նաև նվազագույնից ցածր գնով, արգելված վայրերում առևտուր իրականացնելու կամ անչափահաս գնորդներին ալկոհոլ վաճառելու համար, հաղորդում է «ՌԻԱ Նովոստին»:

Ռուսաստանում ալոկոհոլային արտադրանքի մանրածախ վաճառքի լիցենզիայի տրմամբ, դրա արտադրության և շրջանառության պետական կարգավորման մասին օրենքի համաձայն, զբաղվում են շրջանների իշխանությունները: Մինչ օրս լիցենզիան կարող էին վերացնել կամ տարածաշրջանային պաշտոնյաները, կամ դատարանը: Այժմ նաև դաշնային գերատեսչություն է հայտնվել, որն օժտված է այդ իրավունքով:

«Հաստատել, որ ալկոհոլային շուկայի կարգավորման դաշնային ծառայությունը գործող իշխանության դաշնային մարմինն է, որը լիազոր է դատական կարգով  որոշումներ կայացնել էթիլային սպիրտի, ալկոհոլային և սպիրտ պարունակող արտադրանքի արտադրության և շրջանառության լիցենզիաները վերացնելու մասին»,- ասվում է չորեքշաբթի երեկոյան նախարարների կաբինետի կայքում տեղադրված կառավարության վճռում:

Փաստաթղթում նշվում է, որ գերատեսչության լիազորություները տարածվում են արտադրված էթիլային սպիտրի արտադրության, պահպանման և մատակարարման լիցենզիաների վրա, այդ թվում դենատուրատի՝ արտադրված ալկոհոլային և սպիրտ պարունակող սննդամթերքի արտադրում, պահպանում և մատակարարում, ալկոհոլային արտադրանի գնում, պահպանում և մատակարարում, սպիրտ պարունակող արտադրանքի պահպանում և մատակարարում և ալոկհոլային արտադրանքի մանրածախ վաճառք:

Լիցենզիան վերացնելու մասին որոշումն ուժի մեջ է մտնում դրա ընդունումից մեկ ամիս անց: Այն կարող է բողոքարկվել հաստատված օրենսդրական կարգով: -0-