Վրաստանի Մցխեթա-Ստեփանծմինդա-Լարսի ճանապարհի հատվածում թույլատրվում է միայն 3.5 տ-ից ոչ ավելի ընհանուր քաշով մեքենաների երթևեկությունը
17.04.2012,
17:03
Տրանսպորտային երթևեկությունը Մցխեթա-Ստեփանծմինդա-Լարսի ճանապարհի Ստեփանծմինդա-Լարսի հատվածում թույլատրվում է միայն 3.5տ-ից ոչ ավելի ընհանուր քաշով մեքենաներին, քանի որ մնում է մեծ ծավալով քարակույտ և քանդված է ճանապարհի պաստառը, հայտնում են ՀՀ տրանսպորտի և կապի նախարարությունից՝ հղում կատարելով Վրաստանի ճանապարհային դեպարտամենտին:
ԵՐԵՎԱՆ, 17 ապրիլի. /ԱՌԿԱ/. Տրանսպորտային երթևեկությունը Մցխեթա-Ստեփանծմինդա-Լարսի ճանապարհի Ստեփանծմինդա-Լարսի հատվածում թույլատրվում է միայն 3.5տ-ից ոչ ավելի ընհանուր քաշով մեքենաներին, քանի որ
մնում է մեծ ծավալով քարակույտ և քանդված է ճանապարհի պաստառը, հայտնում են ՀՀ տրանսպորտի և կապի նախարարությունից՝ հղում կատարելով Վրաստանի ճանապարհային դեպարտամենտին:
Ռուս սահմանապահները ժամանակավորապես փակել են Ռազմա-վրացական ճանապարհի երթևեկությունը Վերին Լարս անցակետում, որը տեղակայված է ՌԴ և Վրաստանի սահմանի հյուսիսօսեթական հատվածում՝ ժայռաբեկորի պատճառով, որն ընկել է վրացական կողմում և փակել ժանապարհը :
«Այլ մեքենաների համար երթևեկությունն արգելված է»,- նշվում է նախարարության հաղորդման մեջ:
Գուդաուրի (Պոստա) - Կոբի հատվածում մեքենաները կշարժվեն թունելներով` ձյունափլվածքից պաշտպանվելու նպատակով: Կիսակցորդները և 30-ից ավելի նստատեղ ունեցող ավտոբուսները թունելներում պետք է շարժվեն միակողմանի:
Գուդաուրի - Կոբի հատվածում մեքենաների կանգ առնելը արգելված է:
«Երթևեկության նշված կարգը կլինի Պարեկային Ոստիկանության անմիջական հսկողության և համակարգման ներքո»,- նշվում է հաղորդման մեջ: --0—
