Ճամբարակ-Դիլիջան ավտոճանապարհին տեղի է ունեցել փլուզում
13.07.2016,
11:18
Հուլիսի 13–ի գիշերը փլուզում է տեղի ունեցել Ճամբարակ-Դիլիջան ավտոճանապարհին։
ԵՐԵՎԱՆ, 13 հուլիսի. /ԱՌԿԱ/. Հուլիսի 13–ի գիշերը փլուզում է տեղի ունեցել Ճամբարակ-Դիլիջան ավտոճանապարհին, հաղորդում է ՀՀ ԱԻՆ Փրկարար ծառայությունը։
«Հուլիսի 13-ին, ժամը 05.57-ին տեղեկություն է ստացվել, որ Հ-30 Ճամբարակ-Դիլիջան ավտոճանապարհի 28-րդ կմ-ին տեղի է ունեցել փլուզում։ Դեպքի վայր է մեկնել մարզային ճգնաժամային կառավարման կենտրոնի օպերատիվ խումբը», – նշվում է հաղորդագրության մեջ։
Պարզվել է որ քարաթափման հետևանքով 8 մ լայնությամբ, 30 մ երկարությամբ ճանապարհահատվածը փակվել է։
ՃՇՇ-ի կողմից իրականացվում են մաքրման աշխատանքներ։–0–
