Рейтинг@Mail.ru
USD
396.56
EUR
411.39
RUB
4.2196
GEL
141.1
2025 թ. փետրվարի 13, հինգշաբթի
եղանակը
Երևանում
-5

Հայաստանում մալարիայով հոսպիտալացված արտասահմանցուն կարող են դուրս գրել 2-3 օրից

11.06.2015, 12:25
Հայաստանում նախօրեին մալարիայով հոսպիտալացված արտասահմանցուն հիվանդանոցից կարող են դուրս գրել 2-3 օրից, «Նովոստի Արմենիա» գործակալությանը հայտնեց ՀՀ գլխավոր ինֆեկցիոնիստ Արա Ասոյանը։
Հայաստանում մալարիայով հոսպիտալացված արտասահմանցուն կարող են դուրս գրել 2-3 օրից
ԵՐԵՎԱՆ, 11 հունիսի. /ԱՌԿԱ/. Հայաստանում նախօրեին մալարիայով հոսպիտալացված արտասահմանցուն հիվանդանոցից կարող են դուրս գրել 2-3 օրից, «Նովոստի Արմենիա» գործակալությանը հայտնեց ՀՀ գլխավոր ինֆեկցիոնիստ Արա Ասոյանը։

Նախօրեին ուշ երեկոյան ՀՀ առողջապահության նախարարությունը հայտարարություն էր տարածել, որ Տանզանիայից Հայաստան ժամանած Ֆինլանդիայի քաղաքացու մոտ հայտնաբերվել է մալարիա։

«Դա արևադարձային մալարիա է։ Հիվանդի վիճակը գնահատվում է միջին ծանրության, այժմ նա ստանում է հատուկ բուժում։ Կարծում եմ, որ 2-3 օրից մենք կկարողանանք նրա դուրս գրել», – ասել է Ասոյանը։

Նախօրեին ժամը 14.00-ին Աէրոֆլոտ  ռուսաստանյան  ավիաընկերության օդանավով Տանզանիա-Մոսկվա-Երևան չվերթով աշխատանքային այցով Երևան է ժամանել  Ֆինլանդիայի 60-ամյա քաղաքացի։ ՀՀ ԱՆ առողջապահական պետական տեսչության «Զվարթնոց» միջազգային օդանավակայանի սահմանային բժշկասանիտարական հսկիչ կետի համաճարակաբանների կողմից հեռակառավարման ջերմացույցով ուղևորի մոտ հայտնաբերվել է բարձր` 39.2 աստիճան ջերմություն, ընդհանուր թուլություն և  տենդի նախանշաններ։

Որպես մալարիայով կասկածելի հիվանդ բժիշկ-համաճարակաբանները կազմակերպել են նրա հոսպիտալացումը «Նորք» ինֆեկցիոն հիվանդանոց։ Լաբորատոր հետազոտությամբ հաստատվել է արևադարձային մալարիա

Հիվանդի հոսպիտալացման և բուժման աշխատանքներն իրականացվում են ՀՀ առողջապահության նախարար Արմեն Մուրադյանի անմիջական հսկողությամբ։

Առողջապահության համաշխարհային կազմակերպությունը 2011 թ.–ին Հայաստանին ճանաչել է մալարիայից ազատ երկիր։ -0-