Հանրապետության հրապարակում տեղադրված պայթուցիկի մասին ահազանգը կեղծ էր
ԵՐԵՎԱՆ, 19 սեպտեմբերի. /ԱՌԿԱ/. Հանրապետության հրապարակում տեղադրված պայթուցիկ սարքի մասին ահազանգը կեղծ էր։
ՀՀ ԱԻՆ Փրկարար ծառայության հաղորդմամբ, սեպտեմբերի 19-ին, ժամը 07:47-ին տեղեկություն է ստացվել, որ Հանրապետության հրապարակում պայթուցիկ է տեղադրված, անհրաժեշտ է փրկարարների օգնությունը:
Դեպքի վայր են մեկնել մեկ մարտական հաշվարկ, Ճգնաժամային կառավարման ազգային կենտրոնի օպերատիվ խումբը և հոգեբանական խորհրդատվության գծով կրտսեր հրահանգիչը:
Դեպքի վայրում է գտնվել ԱԻՆ ՓԾ տնօրեն փ/ծ գնդապետ Մ.Ղազարյանը:
«Պարզվել է, որ որ նշված հատվածում տեղադրված պայթուցիկ չկա: Փրկարարների միջամտության կարիքը չի եղել», – նշվում է հաղորդագրության մեջ։
Ավելի վաղ հաղորդումներ են ստացվել նաև Տրանսպորտի նախարարությունում և Ազգային ժողովի շենքում իբր տեղադրված պայթուցիկների մասին, որոնք ևս կեղծ են եղել։ -0-
