Սպիտակ–Երևան ավտոճանապարհին տեղի ունեցած ՃՏՊ–ի հետևանքով երեք մարդ է զոհվել, ևս երեքը տուժել է

ԵՐԵՎԱՆ, 20 նոյեմբերի. /ԱՌԿԱ/. Երեք մարդ է զոհվել, ևս երեքը տուժել է Սպիտակ–Երևան ավտոճանապարհի 20–րդ կմ–ում տեղի ունեցած ՃՏՊ–ի հետևանքով, հաղորդում է ՀՀ ԱԻՆ մամուլի ծառայությունը։

ՃՏՊ–ի մասին ահազանգը ստացվել է չորեքշաբթի վաղ առավոտյան։ Դեպքի վայր է մեկնել մեկ մարտական հաշվարկ։

Դեռևս չբացահայտված հանգամանքներում իրար են բախվել «ՎԱԶ 2105» մակնիշի և «ՎԱԶ 2101» մակնիշի ավտոմեքենաները, ինչից երեք մարդ տեղում մահացել է:

Մինչև հրշեջ-փրկարարների դեպքի վայր հասնելը ավտոմեքենաներից մեկի վարորդն ու երկու ուղևորները տեղափոխվել են Սպիտակ քաղաքի բժշկական կենտրոն, որտեղ վարորդի առողջական վիճակը բժիշկները գնահատել են ծանր, իսկ մյուսներինը՝ միջին ծանրության:

Ավելի ուշ կտրվի լրացուցիչ տեղեկատվություն: –0–

Ծանոթացեք լուրերին առաջինն ու քննարկեք դրանք մեր Telegram-ում

14:33 20.11.2013