Ադրբեջանցի զինվորականները ղարաբաղյան ուղղաթիռ են խփել

ՍՏԵՓԱՆԱԿԵՐՏ, 12 նոյեմբերի. /ԱՌԿԱ/. Ադրբեջանցի զինվորականները չորեքշաբթի ուսումնամարզական թռիչք իրականացնող ղարաբաղյան ուղղաթիռ են խփել, «Նովոստի–Արմենիա» գործակալությանը հայտնեցին ԼՂՀ Պաշտպանության նախարարության մամուլի ծառայությունից։ «Նոյեմբերի 12–ին տեղական ժամանակով 13։45–ի սահմաններում ղարաբաղա-ադրբեջանական սահմանի արևելյան հատվածի օդային տարածքում ուսումնավարժական թռիչքի ժամանակ ադրբեջանական ԶՈՒ-ի կողմից հրադադարի ռեժիմի խախտման արդյունքում խոցվել է ԼՂՀ ՌՕՈւ ՄԻ-24 ուղղաթիռը»,– ասվում է հաղորդման մեջ։ Ուղղաթիռի վթարման վայրը մոտ է շփման գծին։ «Հակառակորդը շարունակում է տարբեր տրամաչափի հրաձգային զենքերից ինտենսիվ կրակ վարել դեպքի վայրի ուղղությամբ»,– ասվում է մամուլի հաղորդագրության մեջ։ Միջադեպի մանրամասները ճշտվում են: -0-