Ադրբեջանի ԶՈւ-ն մեկ օրվա ընթացքում երրորդ անգամ կրակ է բացում հայկական դիրքերի ուղղությամբ

ԵՐԵՎԱՆ, 12 հուլիսի./ԱՌԿԱ/. Հուլիսի 12-ին՝ ժամը 13:40-13:50-ը, Ադրբեջանի ԶՈՒ ստորաբաժանումները տարբեր տրամաչափի հրաձգային զենքերից կրակ են բացել Իշխանասարի հատվածում տեղակայված հայկական դիրքերի ուղղությամբ:

Այս մասին հայտնում է ՀՀ ՊՆ-ն:

Նշենք, որ Ադրբեջանը մեկ օրվա ընթացքում երրորդ անգամ է կրակ բացում հայկական դիրքերի ուղղությամբ: Ավելի վաղ ՊՆ-ն հայտնել էր, որ ադրբեջանական ԶՈւ-ն ժամը 05:30-ին և 12:10 կրակ է բացել Տեղի ուղղությամբ, հայկական կողմից վիրավորվել է 2 զինծառայող, նրանց կյանքին վտանգ չի սպառնում:-0-