ՀՀ ԱԱԾ–ի, ռուս սահմանապահների կողմից Ադրբեջանի հետ բանակցություններ են տարվում Գորիս–Կապան միջպետական ճանապարհը վերաբացելու ուղղությամբ.ԱԱԾ
ԵՐԵՎԱՆ, 27 օգոստոսի./ԱՌԿԱ/. ՀՀ ազգային անվտանգության ծառայությունը տեղեկացնում է, որ ՀՀ ԱԱԾ սահմանապահ զորքերի և ՌԴ անվտանգության դաշնային ծառայության սահմանապահների կողմից ադրբեջանական կողմի հետ բանակցություններ են տարվում Գորիս-Կապան միջպետական ճանապարհի՝ օգոստոսի 26-ից փակված Գորիս-Որոտան և Շուռնուխ-Կարմրաքար հատվածները վերաբացելու վերաբերյալ։
«ՀՀ ազգային անվտանգության ծառայությունը տեղեկացնում է, որ Ադրբեջանի Հանրապետության պետական սահմանապահ ծառայության կողմից հայկական կողմին փոխանցվել է տեղեկություն, որ իրենց ուղեկալներից մեկի վրա հարձակում է տեղի ունենցել:Ներկայումս ՀՀ ԱԱԾ սահմանապահ զորքերը օպերատիվ-հետախուզական և որոնողական միջոցառումներ են իրականացնում ադրբեջանական կողմի տրամադրած տեղեկության վերաբերյալ», – նշվում է գերատեսչության հաղորդագրության մեջ:
Ճանապարհի վերաբացման ուղղությամբ տարվող աշխատանքները շարունակվում են:–0–
