Հայաստանն ու Իրանը քննարկել են սահմանին՝ Արաքս գետի վրա, երկրորդ կամրջի կառուցումը
26.08.2026,
15:00
Քննարկվել է ենթակառուցվածքային ոլորտում համատեղ ծրագրերի իրականացման ընթացքը
ԵՐԵՎԱՆ, 26 օգոստոսի․/ԱՌԿԱ/․ Հայ-իրանական պետական սահմանին՝ Արաքս գետի վրա երկրորդ կամրջի կառուցման նախաձեռնությունը չորեքշաբթի քննարկել են ՀՀ տարածքային կառավարման և ենթակառուցվածքների նախարարի տեղակալ Քրիստինե Ղալեչյանը և ՀՀ-ում ԻԻՀ դեսպան Խալիլ Շիրղոլամիի գլխավորած պատվիրակությունը։
Փոխնախարարն ընդգծել է ենթակառուցվածքների զարգացման ոլորտում համատեղ ծրագրերի իրականացման կարևորությունը, հայտնում է գերատեսչության մամուլի ծառայությունը:
Հանդիպման ընթացքում քննարկվել է ենթակառուցվածքային ոլորտում համատեղ իրականացվող ծրագրերի ընթացքը։ Հանդիպմանը անդրադարձ է կատարվել նաև երկուստեք հետաքրքրություն ներկայացնող այլ հարցերի:
