Ռազմիկ Պետրոսյանը նշանակվել է Արագածոտնի մարզպետ
28.10.2021,
15:29
Մարզպետի պաշտոնից ազատվել է Դավիթ Գևորգյանը
ԵՐԵՎԱՆ, 28 հոկտեմբերի./ԱՌԿԱ/. Կառավարության որոշմամբ, Արագածոտնի մարզպետ է նշանակվել Ռազմիկ Պետրոսյանը։
Որոշումն ընդունվել է այսօր ՀՀ կառավարության նիստում։
«Վստահ եմ, որ իմ աշխատանքով կարդարացնեմ այդ վստահությունը` ի բարօրություն մեր ժողովրդի, մեր պետականության»,–ասաց նորանշանակ մարզպետը։
Նիկոլ Փաշինյանը հայտնեց, որ չզեկուցվող հարցերի փաթեթում այսօր աշխատանքից ազատել են Արագածոտնի արդեն նախկին մարզպետ Դավիթ Գևորգյանին:
Հիշեցնենք, որ Դավիթ Գևորգյանը մարզպետ էր նշանակվել 2018 թ.-ին: Նա մինչ այդ զբաղեցնում էր տարածքային կառավարման և ենթակառուցվածքների փոխնախարարի պաշտոնը։–0–
