Ադրբեջանի ՊՆ–ն հերթական ապատեղեկատվությունն է տարածել «հայկական անօդաչու սարքի խոցման» մասին
22.06.2017,
13:06
Ադրբեջանը նաև հայտարարել է, որ «պատասխան հարվածը լինելու է կործանիչ»։
ՍՏԵՓԱՆԱԿԵՐՏ, 22 հունիսի. /ԱՌԿԱ/. Ադրբեջանի պաշտպանական գերատեսչությունն այսօր առավոտյան տարածել է հերթական ապատեղեկատվությունը հայկական անօդաչու թռչող սարք խոցելու մասին, Facebook–յան իր էջում տեղեկացրել է ԱՀ ՊԲ տեղեկատվության և հասարակայնության հետ կապերի բաժնի պետ Սենոր Հասրաթյանը։
«Այնուհետև «թևեր տալով» սեփական հորինվածքին, զարգացրել է այն՝ հայտարարելով, թե «պատասխան հարվածը լինելու է կործանիչ»: Նման դատարկ ու միպաղաղ հնչեղությամբ հայտարարություններից ստացվող տպավորությունը մեկն է՝ հարևան կոչված երկրի ռազմաքաղաքական ճամբարում երևակայական «հաջողություններ» հորինելն ու դրանցով ոգևորվելը դարձել է կենսաձև», – նշել է Հասրաթյանը։–0–
