ՀՀ նախագահը աշխատանքային այցով մեկնել է Մալթա
29.03.2017,
12:44
Այցի նպատակն է մասնակցել Եվրոպական ժողովրդական կուսակցության համագումարի նիստերին և գագաթնաժողովին:
ԵՐԵՎԱՆ, 29 մարտի. /ԱՌԿԱ/. ՀՀ նախագահ Սերժ Սարգսյանն այսօր աշխատանքային այցով մեկնել է Մալթայի Հանրապետություն, հաղորդում է ՀՀ նախագահի մամուլի ծառայությունը:
Հաղորդագրության համաձայն, այցի նպատակն է մասնակցել Եվրոպական ժողովրդական կուսակցության (ԵԺԿ) համագումարի նիստերին և գագաթնաժողովին:
Գագաթնաժողովին հրավիրված են Եվրոպական միության և Արևելյան գործընկերության անդամ երկրներից ԵԺԿ-ին անդամակցող կուսակցությունները ներկայացնող պետությունների և կառավարությունների ղեկավարները:
Հայաստանի Հանրապետական կուսակցությունը ԵԺԿ-ի անդամ է 2012 թ.-ից: -0-
