Նաիրա Զոհրաբյան. այս կառավարությունը սպառել է իրեն
ԵՐԵՎԱՆ, 15 նոյեմբերի. /ԱՌԿԱ/. «Ծառուկյան» դաշինքը երեկ պաշտոնապես պատերազմ հայտարարեց Կարեն Կարապետյանի կառավարությանը, գրում է «Ժամանակը»։
Պատերազմի հայտարարման ֆորմալ առիթը «Առինջ մոլի» առևտրականների բողոքն է:
Թերթի հաղորդմամբ, «Առինջ մոլի» առևտրականները բողոքում են, որ հարկային տեսչության աշխատակիցները համատարած ստուգումներ են իրականացնում «Առինջ մոլի» տարածքում, տուգանում են առևտրականներին, խուզարկում են նրանց ավտոմեքենաներն ու նույնիսկ պայուսակները` չհայտարարագրված ապրանքներ հայտնաբերելու համար։
«Այսօրվանից խորհրդարանում սկսվում է 2018թ. բյուջեի նախագծի քննարկումը, եւ կարելի է չկասկածել, որ «Ծառուկյան» դաշինքը շարունակելու է գրոհը, որը կավարտվի բյուջեի նախագծի դեմ քվեարկությամբ», – նշում են հոդվածի հեղինակները։
Կառավարության գործունեության ընդհանրական գնահատականը տվեց «Ծառուկյան» խմբակցության պատգամավոր Նաիրա Զոհրաբյանը։
«Այս կառավարությունը սպառել է իրեն», – նշել է նա։–0–
