Օհանյան. ղարաբաղա–ադրբեջանական հակամարտ զորքերի շփման գծում տիրող իրավիճակն այսօր համեմատաբար հանգիստ է
19.05.2016,
12:20
Ղարաբաղա–ադրբեջանական հակամարտ զորքերի շփման գծում տիրող իրավիճակն այսօր համեմատաբար հանգիստ է։
ԵՐԵՎԱՆ, 19 մայիսի. /ԱՌԿԱ/. Ղարաբաղա–ադրբեջանական հակամարտ զորքերի շփման գծում տիրող իրավիճակն այսօր համեմատաբար հանգիստ է, հինգշաբթի կառավարության նիստից առաջ հայտարարեց ՀՀ պաշտպանության նախարար Սեյրան Օհանյանը։
Նախարարը հայտարարեց, որ վերջին շրջանի համեմատ` այսօր ամենաքիչ թվով կրակոցներն են գրանցվել։
«Մենք համագործակցում ենք ԼՂՀ պաշտպանության բանակի հետ, և ստացված տեղեկատվության համաձայն` Պաշտպանության բանակի ստորաբաժանումները վերահսկում են առաջնագծում տիրող իրավիճակն ու պատրաստ են կատարել իրենց առջև դրված ցանկացած խնդիր», – ասաց Օհանյանը։ –0–
