ՀԱՊԿ գլխավոր քարտուղարը վստահ է, որ Գյումրիի ողբերգության բոլոր մեղավորներն արդար պատիժ կկրեն
19.01.2015,
16:28
Հավաքական անվտանգության պայմանագրի կազմակերպության գլխավոր քարտուղար Նիկոլայ Բորդյուժան Հայաստանի պաշտպանության նախարար Սեյրան Օհանյանի հետ հեռախոսազրույցում ցավակցություն է հայտնել Գյումրիում սպանված հայ ընտանիքի հարազատներին և բարեկամներին և եղբայրական հայ ժողովրդին, հայտնում է ՀԱՊԿ մամուլի ծառայությունը։
ԵՐԵՎԱՆ, 19 հունվարի. /ԱՌԿԱ/. Հավաքական անվտանգության պայմանագրի կազմակերպության գլխավոր քարտուղար Նիկոլայ Բորդյուժան Հայաստանի պաշտպանության նախարար Սեյրան Օհանյանի հետ հեռախոսազրույցում ցավակցություն է հայտնել Գյումրիում սպանված հայ ընտանիքի հարազատներին և բարեկամներին և եղբայրական հայ ժողովրդին, հայտնում է ՀԱՊԿ մամուլի ծառայությունը։
Բորդյուժան վստահություն է հայտնել, որ Գյումրիի ողբերգության համակողմանի և անկողմնակալ քննություն կկատարվի, և բոլոր մեղավորներն արդար պատիժ կկրեն։
Հունվարի 12–ին Գյումրիում, որտեղ տեղակայված է ռուսական 102–րդ ռազմակայանը, վեց հոգանոց ընտանիք է սպանվել։ Միակ ողջ մնացածը վեց ամսական Սերյոժա Ավետիսյանն է, ով հիմա վերակենդանացման բաժանմունքում է։ Հանցագործության կատարման մեջ կասկածվում է ռուս ժամկետային զինծառայող Վալերի Պերմյակովը, նա ձերբակալվել է երեքշաբթի և ինքնախոստովանական ցուցմունք է տվել։ -0-
