ՀԱՊԿ–ում Հայաստանի մշտական և լիազոր ներկայացուցիչ է նշանակվել Դավիթ Վիարաբյանը

ԵՐԵՎԱՆ, 27 փետրվարի. /ԱՌԿԱ/. Հայաստանի նախագահ Սերժ Սարգսյանը  ուրբաթ հրաման է ստորագրել Դավիթ Վիրաբյանին Հավաքական անվտանգության մասին պայմանագրի կազմակերպությունում Հայաստանի Հանրապետության մշտական և լիազոր ներկայացուցիչ (նստավայրը` Մոսկվա) նշանակելու մասին, հաղորդում են երկրի ղեկավարի մամուլի ծառայությունից։:

ՀԱՊԿ–ն ստեղծվել է 1992թ.–ի մայիսի 15–ին ԱՊՀ անդամ երկրների կողմից ստորագրված Հավաքական անվտանգության պայմանագրի հիման վրա։ ՀԱՊԿ–ի մասնակիցներն են Հայաստանը, Բելառուսը, Ղազախստանը, Ղրղըզստանը, Ռուսաստանն ու Տաջիկստանը։ Ուզբեկստանը 2012 թ.–ի հունիսի վերջին հայտարարել է, որ դադարեցնում է իր մասնակցությունը կազմակերպության գործունեության մեջ։–0–
։

Ծանոթացեք լուրերին առաջինն ու քննարկեք դրանք մեր Telegram-ում

14:20 27.02.2015