Արսեն Թորոսյանը նշանակվել է Աշխատանքի և սոցիալական հարցերի նախարար
27.08.2025,
16:28
Համապատասխան որոշումը ստորագրել է ՀՀ նախագահ Վահագն Խաչատուրյանը
ԵՐԵՎԱՆ, 27 օգոստոսի․/ԱՌԿԱ/. Քաղաքացիական պայմանագիր խմբակցության նախկին պատգամավոր, Առողջապահության նախկին նախարար, ԱԺ Առողջապահության հարցերի մշտական հանձնաժողովի նախկին նախագահ Արսեն Թորոսյանը նշանակվել է Աշխատանքի և սոցիալական հարցերի նախարար։
Համապատասխան որոշումը ստորագրել է ՀՀ նախագահ Վահագն Խաչատուրյանը։
«Հիմք ընդունելով վարչապետի առաջարկությունը` համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի. Արսեն Թորոսյանին նշանակել աշխատանքի և սոցիալական հարցերի նախարար»,- նշվում է ՀՀ նախագահի հրամանագրում։
Նախագահի մեկ այլ հրամանագրով նարեկ Մկրտչյանը ազատվել է Աշխատանքի և սոցիալական հարցերի նախարարի պաշտոնից։
