Հայաստանի խորհրդարանի արտահերթ նիստը կկայանա հունիսի 15–ին
ԵՐԵՎԱՆ, 10 հունիսի. /ԱՌԿԱ/. Հայաստանի կառավարությունն առաջարկել է խորհրդարանին արտահերթ նիստ անցկացնել հունիսի 15–ին։
Ինչպես չորեքշաբթի կառավարության նիստում հայտարարեց կառավարության աշխատակազմի ղեկավար, նախարար Դավիթ Հարությունյանը, արտահերթ նիստի օրակարգում ներառված են 22 օրինագծեր և 7 միջազգային պայմանագրեր։
«Օրինագծերի մի մասը շտապ են, մյուս փաստաթղթերը պայմանավորված են մեր միջազգային պարտավորություններով»,– պարզաբանեց նա։
Հայաստանի կրթության և գիտության նախարար Արմեն Աշոտյանն իր հերթին առաջարկեց օրակարգում ավելացնել «Գիտական և գիտատեխնիկական գործունեության մասին» օրենքում փոփոխություններ կատարելու հարցը։ Նրա առաջարկը հաստատվեց։-0-
Ծանոթացեք լուրերին առաջինն ու քննարկեք դրանք մեր Telegram-ում
15:35 10.06.2015
