Եկել եմ քվեարկելու, որպեսզի հաղթի այն Հայաստանը, որն ի վիճակի է պահել իր սահմանների անձեռնմխելիությունը, ապահովել քաղաքացիների անվտանգությունը․ Սերժ Սարգսյան
ԵՐԵՎԱՆ, 7 հունիսի․/ԱՌԿԱ/․ ՀՀ երրորդ նախագահ Սերժ Սարգսյանը հայտարարել է, որ քվեարկել է այն Հայաստանի օգտին, որտեղ սուտն ու զրպարտությունը դատապարտելի են։
«Ես եկել եմ այստեղ քվեարկելու, որպեսզի հաղթի այն Հայաստանը, որն ի վիճակի է պահել իր սահմանների անձեռնմխելիությունը, ապահովել իր քաղաքացիների անվտանգությունը, իրավունքներն ու ազգային արժանապատվությունը։ Այն Հայաստանի օգտին, որտեղ սուտն ու զրպարտությունը դատապարտելի են, իսկ ակտիվ քաղաքական կեցվածքը` գնահատելի», - ասաց Սարգսյանը քվեարկությունից հետո լրագրողների հետ զրույցում։
Նա ասաց, որ շատ է ցանկանում, որպեսզի լինի ազգային համախմբում։
«Շատ եմ ցանկանում, որ այն ճնշող մթնոլորտը, որը շատ շատերն իրենց վրա զգում են, վերանա, որպեսզի մարդիկ ազատ կարողանան իրենց դրսևորել», - նշեց Սարգսյանը։
