Հայաստանում գիտության ոլորտին հավելյալ 2,35 մլրդ դրամ կհատկացվի
ԵՐԵՎԱՆ, 15 հոկտեմբերի․ /ԱՌԿԱ/․ ՀՀ կառավարությունը հինգշաբթի օրվա նիստում հավանություն է տվել գիտության ոլորտի ֆինանսավորմանը հավելյալ 2,35 մլրդ դրամ հատկացնելուն:
ՀՀ կրթության, գիտության, մշակույթի և սպորտի նախարար Ժաննա Անդրեասյանը տեղեկացրել է, որ միջոցները կուղղվեն երկու հիմնական նպատակի՝ գիտական սարքավորումների ձեռքբերմանը և դրամաշնորհային հետազոտությունների ֆինանսավորմանը:
«Ներկայումս նախատեսվում է 1,567 մլրդ դրամ ուղղել 12 գիտական կենտրոնների վերազինման նպատակով 21 միավոր գիտական սարքավորումների ձեռքբերմանը, ինչը թույլ կտա մեր բուհերին և գիտական ինստիտուտներին էլ ավելի զարգանալ», - նշել է Անդրեասյանը:
Բացի այդ, 789,6 մլն դրամի չափով դրամաշնորհային ֆինանսավորում է նախատեսված երեք ծրագրի համար՝ «PostDoc-Armenia – 2026», որն ուղղված է արտերկրի գիտնականների ներգրավմանը Հայաստանում հետազոտությունների իրականացմանը, Հեռավար լաբորատորիաների հիմնման ծրագրին և Արտերկրի գիտնականների՝ Հայաստանի գիտական համայնք ինտեգրման ծրագրին:
Միջոցները կվերաբաշխվեն «Ակադեմիական քաղաք» ծրագրի ֆինանսավորումից (դրանք մնացել են չօգտագործված՝ նախագծի տարածքի և գլխավոր հատակագծի հաստատման հետ կապված չավարտված ընթացակարգերի պատճառով):
Վարչապետ Նիկոլ Փաշինյանը հայտարարել է, որ 2018 թվականից ի վեր գիտության ոլորտի ֆինանսավորումն եռապատկվել է:
«Մենք ապահովել ենք գիտության ֆինանսավորումը, ամրագրել ենք, թե ՀՆԱ-ի կառուցվածքում որքան պետք է կազմի գիտությունը, և այսօր 2026 թվականի բյուջեում նշված է 2,3 մլրդ դրամի գումար», -ասել է Անդրեասյանը:
