«Մենք ենք, մեր սարերը. վերելք». RISE 2026-ը միավորում է հայրենական արտադրողներին (ՎԻԴԵՈ)
ԵՐԵՎԱՆ, 4 հունիսի․/ԱՌԿԱ/․ Երևանում առաջին անգամ անցկացվել է «RISE Powered by Silicon Mountains 2026» խոշոր բարձր տեխնոլոգիական ցուցահանդեսը և ֆորումը։
Ավելի քան 40 ռազմարդյունաբերական ընկերություն ներկայացրել է հայրենական արտադրանքը։ Միջոցառման կարգախոսն է «Մենք ենք, մեր սարերը. վերելք»։
«Հիմնական նպատակ էր մեկ հարթակի շուրջ միավորել գիտությունը, նորարարությունը, ճարտարագիտությունն ու ռազմարդյունաբերությունը», - նշել է ՏՀՏ գործատուների միության գործադիր տնօրեն Էդուարդ Մուսայելյանը։
Բարձր տեխնոլոգիական արդյունաբերության նախարար Մխիթար Հայրապետյանը նշել է, որ առաջին եռամյա ծրագրի շրջանակում պետությունը պատվերների միջոցով շուրջ 172 մլրդ դրամի ներդրում է կատարել ոլորտում։
«Մենք այն համարում ենք հաջողված։ Սա էր պատճառը, որ մեկ այլ կարևոր, շրջադարձային որոշում կայացվեց կառավարության կողմից շարունակել երկարաժամկետ պայմանագրերի այս մշակույթը, որն արդեն իսկ կայացված որոշումներով ամրագրված է 190 մլրդ դրամի շրջանակում», - նշել է Հայրապետյանը։
Մանրամասները` տեսանյութում։
