Հայաստանի ԱԱԾ–ում կառուցվածքային փոփոխություններ են կատարվում
ԵՐԵՎԱՆ, 29 հունիսի. /ԱՌԿԱ/. Հայաստանի աազգային անվտանգության ծառայությունում կադրային և կառուցվածքային փոփոխություններ են կատարվում, գրում է «Նովոստի–Արմենիա»գործակալությունը` հղում անելով «Հրապարակ» թերթին։
Դեռևս նախորդ շաբաթ նախագահի հրամանագրող Գարեգին Մխիթարյանն ազատվել էր հետախուզության գլխավոր վարչության, ԱԱԾ փոխտնօրենի պաշտոնից։
«Այդ պաշտոնանկությունը կապվում է ապրիլյան պատերազմի հետ։ Նրա փոխարեն նշանակված Ստեփան Մելքոնյանն ավելի վաղ գլխավորել է հակահետախուզական գլխավոր վարչությունը»,– նշվում է հրապարակման մեջ։
Գրառման հեղինակները գրում են, որ հրաժարականի դիմում է ներկայացրել ԱԱԾ քննչական վարչության պետ գնդապետ Մնացական Մարուքյանը։
«Լավատեղյակ աղբյուրներից հայտնի է դարձել, որ ԱԱԾ պետ Կուտոյանը մտադիր է քննչական վարչությունում նոր բաժին ստեղծել, որը կհետաքննի կարևոր և աղմկոտ գործերը։ Նրան կվերահսկի անմիջականորեն ԱԱԾ պետը, իսկ այդ բաժնում աշխատելու պատվին կարժանանան «ընտրյալները»` ամենայն հավանականությամբ, հին քննիչներից ոմանք այդ կազմում չեն ներառվի»,– գրում է թերթը։ -0-
