ՀՀ ԱԳՆ ղեկավարը մայիսի 16–ին Ստրասբուրգում կստանձնի ԵԽ նախարարների կոմիտեի նախագահությունը

ԵՐԵՎԱՆ,  15 մայիսի. /ԱՌԿԱ/. Մայիսի 15-16-ը ՀՀ ԱԳ նախարար Էդվարդ Նալբանդյանը կայցելի Ստրասբուրգ, որտեղ կմասնակցի Եվրոպայի խորհրդի անդամ երկրների արտգործնախարարների հանդիպմանը, հաղորդում է հայկական արտաքին քաղաքական գերատեսչության մամուլի ծառայությունը։

Նիստի ընթացքում Հայաստանի ԱԳ նախարարը կստանձնի ԵԽ նախարարների կոմիտեի նախագահությունը:

Հայաստանը ԵԽ նախարարների կոմիտեում կնախագահի մինչև ընթացիկ տարվա նոյեմբերի 13–ը։ Հայաստանը Եվրախորհրդի կազմում ընդգրկվել է 2001թ.–ի հունվարի 25–ին` իր վրա վերցնելով մի շարք պարտավորություններ։ –0–