Պաշտոններից ազատվել են Քաղաքաշինության պետական կոմիտեի և Անշարժ գույքի կադաստրի պետական կոմիտեի նախագահները
08.06.2018,
14:45
Քաղաքաշինության պետական կոմիտեի նախագահ Նարեկ Սարգսյանն ազատվել է զբաղեցրած պաշտոնից։
ԵՐԵՎԱՆ, 8 հունիսի. /ԱՌԿԱ/. Քաղաքաշինության պետական կոմիտեի նախագահ Նարեկ Սարգսյանն ազատվել է զբաղեցրած պաշտոնից։
Համապատասխան որոշումն ընդունվել է հունիսի 8–ի կառավարության նիստում։
Նարեկ Սարգսյանն այս պաշտոնում է եղել 2016թ. հոկտեմբերի 11-ից: 2014-2016 թվականներին եղել է քաղաքաշինության նախարար, իսկ 2011-2013 թթ. Երևանի գլխավոր ճարտարապետն էր։
Կառավարության մեկ այլ որոշմամբ, պաշտոնից ազատվել է Անշարժ գույքի կադաստրի պետական կոմիտեի նախագահի պաշտոնակատար Մարտին Սարգսյանը։
Նա այս պաշտոնը զբաղեցնում էր 2014թ. հունիսից։ -0-
