Եվրահանձնակատար Ֆյուլեն կժամանի Հայաստան

ԵՐԵՎԱՆ, 9 հուլիսի. /ԱՌԿԱ/. ԵՄ ընդլայնման և հարևանության եվրոպական քաղաքականության հարցերով հանձնակատար Շտեֆան Ֆյուլեն կայցելի Երևան, երեքշաբթի հայտնում է Հայաստանում ԵՄ–ի պատվիրակության մամուլի ծառայությունը։

«Հուլիսի 10–ին Շտեֆան Ֆյուլեն հանդես կգա հրապարակային հայտարարությամբ և կպատասխանի հանդիպման մասնակիցների հարցերին»,– ասվում է հաղորդման մեջ։

Ինչպես նշեց Հայաստանի քաղաքացիական հասարակության ֆորումի համակարգող Բորիս Նավասարդյանը, Ֆյուլեն Երևանում կհանդիպի քաղաքացիական հասարակության ներկայացուցիչների հետ։ -0-