Վարչապետը ԿԳՄՍ նոր փոխնախարար է նշանակել
12.02.2020,
11:54
Վարչապետի հրամանով Կրթության, գիտության, մշակույթի և սպորտի նախարարի տեղակալ է նշանակվել
ԵՐԵՎԱՆ, 12 փետրվարի. /ԱՌԿԱ/Վարչապետի հրամանով Արթուր Մարտիրոսյանը նշանակվել է Կրթության, գիտության, մշակույթի և սպորտի նախարարի տեղակալ: Այս մասին հայտնում է կառավորության e-gov.am պաշտոնական կայքը:
«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝ Արթուր Մարտիրոսյանին նշանակել կրթության, գիտության, մշակույթի և սպորտի նախարարի տեղակալ»,- ասվում է հաղորդագրության մեջ:
Ավելի վաղ՝ փետրվարի 6-ին վարչապետի որոշմամբ, Արևիկ Անափիոսյանն ազատվել էր կրթության, գիտության, մշակույթի և սպորտի նախարարի տեղակալի պաշտոնից։ Նա նշանակվել էր այդ պաշտոնին 2019 թ.-ի հունիսի 4-ին:-0-
