Հայաստանում հանգստյան օրերին անձրևային եղանակ է կանխատեսվում. Հայհիդրոմետ
19.05.2016,
13:44
Հանգստյան օրերին Երևանում, Արարատյան դաշտավայրում և նախալեռներում երեկոյան ժամերին սպասվում են կարճատև անձրևներ:
ԵՐԵՎԱՆ, 19 մայիսի. /ԱՌԿԱ/. Հանգստյան օրերին Երևանում, Արարատյան դաշտավայրում և նախալեռներում երեկոյան ժամերին սպասվում են կարճատև անձրևներ, Facebook սոցիալական ցանցի իր էջում գրել է ԱԻՆ Հիդրոմետ ծառայության օդերևութաբանության կենտրոնի պետի տեղակալ Գագիկ Սուրենյանը:
«Մայիսի 19-22-ը սպասվող կարճատև անձրևները կլինեն հիմնականում երեկոյան ժամերին ու գիշերվա առաջին կեսին և հիմնականում Շիրակում, Լոռիում, Տավուշում, Արագածոտնի և Կոտայքի լեռնային գոտիներում», - գրում է նա:
Բացի այդ, կարճատև անձրևներ են սպասվում նաև Գեղարքունիքում, Վայոց Ձորի և Սյունիքի բարձրադիր գոտում:
Այժմ օդի ջերմաստիճանը +22 աստիճան է: -0-
