Որոշում է կայացվել ձերբակալել Գյումրիի քաղաքապետին և ևս 7 անձի. հակակոռուպցիոն կոմիտե
ԵՐԵՎԱՆ, 20 հոկտեմբեր․/ԱՌԿԱ/. Գյումրի համայնքի մի խումբ պաշտոնատար անձանց կողմից խոշոր չափերով կաշառք ստանալու, վերջիններիս կաշառք տալու մեղադրանքներով ձերբակալվել է 8 անձ: Այս մասին հայտնում է ՀՀ հակակոռուպցիոն կոմիտեն։
«ՀՀ հակակոռուպցիոն կոմիտեի օպերատիվ հետախուզական վարչության կողմից ձեռնարկված մեծածավալ օպերատիվ հետախուզակական միջոցառումների և գաղտնի քննչական գործողությունների արդյունքում փաստական տվյալներ են ստացվել Գյումրու համայնքի ղեկավարի և գլխավոր ճարտարապետի կողմից նախնական համաձայնությամբ կաշառք և գումարներ պահանջելու դեպքերի վերաբերյալ։ Նախաձեռնված քրեական վարույթի շրջանակում ութ անձանց, ներառյալ համայնքի ղեկավարի նկատմամբ կայացվել է հանրային քրեական հետապնդումներ հարուցելու և ձերբակալելու մասին որոշում»,-նշվում է կոմիտեի տարածած հաղորդագրության մեջ։
Ավելի վաղ ՀՀ Հակակոռուպցիոն կոմիտեն հայտնել էր, որ «Հակակոռուպցիոն կոմիտեում քննվող քրեական վարույթի շրջանակներում քննչական գործողություններ են իրականացվում Գյումրիի համայնքապետարանում։
