Նոյեմբերին Հայաստան է այցելել շուրջ 153 հազ․ զբոսաշրջիկ, գրանցվել է մի փոքր աճ

ԵՐԵՎԱՆ, 11 դեկտեմբերի․/ԱՌԿԱ/․ Նոյեմբերին Հայաստան է այցելել 152 976 զբոսաշրջիկ, հայտնում է ՀՀ զբոսաշրջության կոմիտեն։

Միաժամանակ նախորդ տարվա նոյեմբերին երկիր է այցելել 149 919 զբոսաշրջիկ։

Նախորդ ամիս ամենաշատ զբոսաշրջային այցելությունները գրանցվել են Ռուսաստանից (43%), Վրաստանից (12%) և Իրանից (8%)։

Պաշտոնական վիճակագրության համաձայն՝ 2024 թվականի 10 ամիսների ընթացքում Հայաստան է այցելել ավելի քան 1,92 մլն զբոսաշրջիկ՝ 5,8%-ով պակաս, քան նախորդ տարվա նույն ժամանակահատվածում։ Ամենաշատ զբոսաշրջիկները Հայաստան են ժամանել Ռուսաստանից (43%), Վրաստանից (11%), Իրանից (7%), ինչպես նաև ԱՄՆ-ից (3%) և Հնդկաստանից (2%)։

Ինչպես ավելի վաղ «ԱՌԿԱ» գործակալությանը տված հարցազրույցում հայտարարել էր ՀՀ զբոսաշրջության կոմիտեի ղեկավար Լուսինե Գևորգյանը, մինչև 2024 թվականի վերջ Հայաստան այցելող զբոսաշրջիկների թիվը կարող է հասնել 2 միլիոնի։