2024թ․–ին Հայաստան է այցելելօ ավելի քան 2,2մլն զբոսաշրջիկ․ Պապոյան
13.01.2025,
12:35
ՀՀ էկոնոմիկայի նախարար Գևորգ Պապոյանը ներկայացրել է անցած տարվա զբոսաշրջային այցելությունների վերաբերյալ տեղեկատվություն
ԵՐԵՎԱՆ, 13 հունվարի․/ԱՌԿԱ/․ ՀՀ էկոնոմիկայի նախարար Գևորգ Պապոյանը ներկայացրել է անցած տարվա զբոսաշրջային այցելությունների վերաբերյալ տեղեկատվություն։
Նա ասաց, որ այսօր ամփոփվել են 2024 թվականի դեկտեմբերի տվյալները՝ երկիր է այցելել մոտավորապես 131 հազար զբոսաշրջիկ, ինչը 2-3 հազարով պակաս է 2023 թվականի դեկտեմբերի համեմատ։
«Արդյունքում նախորդ տարի գրանցվել է մոտ 2 մլն 215 հազար զբոսաշրջային այցելություն, ավելի ճշգրիտ տվյալներ կհրապարակվեն օրվա ընթացքում»,- ասաց նա։
Նախարարը նշեց, որ տարեկան ցուցանիշը նվազել է մոտ 7%-ով, սակայն հիմնականում պայմանավորված է Ռուսաստանից զբոսաշրջային այցելությունների նվազմամբ, իսկ այլ երկրներից զբոսաշրջիկների թիվն աճել է։
Պապոյանը միաժամանակ նշեց, որ 2026 թվականի նպատակն է հասնել զբոսաշրջային այցելությունների շուրջ 2,5-2,7 միլիոն ցուցանիշի։
