Հայաստանի նախագահը ներկա է գտնվել Ծաղկաձորում ժամանցային նոր կենտրոնի բացմանը
20.12.2017,
20:51
Հայաստանի նախագահ Սերժ Սարգսյանն այսօր Ծաղկաձոր քաղաքում ներկա է գտնվել «Մուլտի Ռեսթ» հյուրանոցային համալիրի նոր ժամանցային կենտրոնի բացման արարողությանը, հայտնում է նախագահի մամուլի ծառայությունը։
ԵՐԵՎԱՆ, 20 դեկտեմբերի. /ԱՌԿԱ/. Հայաստանի նախագահ Սերժ Սարգսյանն այսօր Ծաղկաձոր քաղաքում ներկա է գտնվել «Մուլտի Ռեսթ» հյուրանոցային համալիրի նոր ժամանցային կենտրոնի բացման արարողությանը, հայտնում է նախագահի մամուլի ծառայությունը։
Կենտրոնի նպատակն է Ծաղկաձորը դարձնել զբոսաշրջային ակտիվ կենտրոն։
Ինչպես նշվում է հաղորդագրությունում, կենտրոնի բացմամբ ստեղծվել է շուրջ 60 նոր աշխատատեղ՝ միջինը 150 հազար դրամ աշխատավարձով:
Նախագծի իրականացման համար «Մուլտի Գրուպ» կոնցեռնի հիմնադիր Գագիկ Ծառուկյանի ջանքերով կատարվել է ավելի քան 10 միլիարդ դրամի ներդրում: -0-
