Տասնմեկ հանրային լողափեր են գործարկվել Հայաստանում 2013թ.–ին

ԵՐԵՎԱՆ, 24 հուլիսի. /ԱՌԿԱ/. Տասնմեկ հանրային լողափեր են գործարկվել Հայաստանում 2013 թվականին, հայտարարեց Հայաստանի բնապահպանության նախարարության աշխատակազմի ղեկավարի տեղակալ, հանրային լողափերի պատասխանատու Աշոտ Ավալյանը չորեքշաբթի մամուլի ասուլիսում։

«Տասնմեկ լողափերից ինը նախատեսված է կարճաժամկետ հանգստի համար, և անվճար է միայն դրա տարածքի օգտագործումը։ Երեք լողափեր ամբողջովին անվճար ծառայություններ են մատուցում»,– ասաց նա։

Ավալյանի խոսքով` նախորդ տարի հանրային լողափերից օգտվել է 120-130 հազար մարդ, ինչը 20 տոկոսով ավելի է 2011 թվականի ցուցանիշից։

«Այս տարի մենք ավելի մեծ թվով հանգստացողների ենք սպասում։ Միայն հուլիսի 7–ին` Վարդավառի օրը, Սևանի հանրային լողափերում հանգստացել է մոտ 8-9 հազար մարդ»,– նշեց նա։

Ավալյանը չբացառեց նաև, որ հանրային լողափերի պահանջարկի բարձրացման և մրցակցության աճի արդյունքում կնվազեն մասնավոր լողափերից օգտվելու գները։

Սևանի հանգստյան սեզոնը բացվել է հուլիսի 1–ից։

Առաջին հանրային լողափերը գործարկվել են Սևանա լճի ափին 2011 թվականի ամռանը։

Սևանա լիճը Եվրոպայի և Ասիայի ամենաբարձր և մեծ լեռնային լճերից մեկն է, գտնվում է Հայկական բարձրավանդակի սրտում՝ 1914 մ բարձրության վրա։ Երկարությամբ՝ հյուսիս-արևմուտքից դեպի հարավ-արևելք, լիճը ձգվում է ավելի քան 70 կմ, իսկ նրա ջրային հայելու մակերեսը հասնում է գրեթե 1500 քառակուսի մետրի։ Սևանա լիճը  խմելու ջրի միակ խոշոր երաշխավորված աղբյուրն է Հայաստանում և խոշորագույնը ողջ Կովկասում: Մինչև 2030թ.-ը լճի մակարադակը կբարձրացվի մինչև օպտիմալ 1903,5 մետրի։--0—