Յունիբանկը և Unisport ակումբը մասնակցել են «Tricolor» Yerevan Beat Run վազքին
ԵՐԵՎԱՆ, 23 հունիսի․/ԱՌԿԱ/․ Յունիբանկի և Unisport ակումբի ներկայացուցիչները մասնակցեցին «Tricolor» Yerevan Beat Run վազքին։
Միջոցառումը համախմբել էր վազքի սիրահարներին՝ ստեղծելով սպորտի, երաժշտության և դրական էներգիայով ի յուրահատուկ մթնոլորտ, հաղորդում է Յունիբանկի մամուլի ծառայությունը։
Մասնակիցները կարող էին ընտրել հարմարավետ տեմպ և հաղթահարել 5 կիլոմետր:
Յունիբանկի աշխատակիցների մասնակցությունը վազքին արտացոլում է բանկի հավատարմությունը առողջ ապրելակերպի սկզբունքներին և սպորտի խթանմանը ոչ միայն տարբեր նախաձեռնությունների և աջակցության ծրագրերի միջոցով, այլև անձնական օրինակով:
Սպորտը միշտ եղել է Յունիբանկի կորպորատիվ սոցիալական պատասխանատվության առաջնահերթ ուղղություններից մեկը։ Բանկը հետևողականորեն աջակցում է հայկական սպորտի զարգացմանը և նպաստում մարզիկների պրոֆեսիոնալ աճին։
Բանկի հաջողված մարզական նախագծերից մեկը Unisport ակումբն է, որի գլխավոր հովանավորը Յունիբանկն է։ Ընթացիկ մրցաշրջանում թիմը գրանցել է բարձր արդյունքներ՝ դառնալով ֆուտզալի Հայաստանի Բարձրագույն խմբի չեմպիոն և Հայաստանի գավաթակիր:
