Հայկական ծիրանի առաջին սիմվոլիկ խմբաքանակն առաքվել է ԵՄ․ եվրահանձնակատար
ԵՐԵՎԱՆ, 23 հունիսի․/ԱՌԿԱ/․ Հայկական ծիրանի առաջին խորհրդանշական խմբաքանակը ժամանել է Եվրոպական միություն, X սոցիալական ցանցում գրել է ընդլայնման հարցերով եվրահանձնակատար Մարտա Կոսը։
Նա նաև շնորհակալություն է հայտնել Հայաստանի տարածքային կառավարման և ենթակառուցվածքների նախարար Դավիթ Խուդաթյանին նվերի և «շատ լավ քննարկման» համար։
Կոսի հանդիպումը Խուդաթյանի հետ կայացել է Connectivity Agenda Platform հարթակի գործարկման նախօրեին, որի շրջանակում նախատեսվում է շարունակել աշխատանքը հարևան երկրների և Եվրոպայի հետ Հայաստանի տրանսպորտային և ենթակառուցվածքային փոխկապակցվածության բարելավման ուղղությամբ։
«Սա կօգնի հայ արտադրողներին դիվերսիֆիկացնել արտահանումը և իրենց բարձրորակ արտադրանքից ավելի շատ դուրս բերել նոր շուկաներ»,- գրել է Կոսը։
Ավելի վաղ հաղորդվել էր, որ հուլիսի 5-ին Կոսը կայցելի Երևան՝ քննարկելու ԵՄ կողմից Հայաստանին տրամադրվող առևտրային աջակցության փաթեթը (Հայաստանից մի շարք ապրանքատեսակների նկատմամբ Ռուսաստանի առևտրային սահմանափակումների ֆոնին - խմբ․)։
